ESTADOS UNIDOS – Nakacast-out na sang boto ang isa ka pinay nga nurse sa New Jersey, USA pila ka semana antes ang US presidential election sa bulan sang Nobyembre.
Sa interview sang Bombo Radyo Bacolod kay Mariciel Gammacurta, Bombo Correspondent sa New Jersey, USA, ginpahayag sini nga makatatlo na siya ka beses nga nagpakigbahin sa US presidential election humalin sang 2012 tubtob 2020.
Nahibaluan nga si Gammacurta ang isa na ka US citizen kag nakapamana man sa nasambit nga pungsod.
Suno diri, dako nga pagbag-o ang natabo sa karun nga US presidential election bangud sa pandemia.
Suno kay Gammacurta, subong nga election, wala sang in person voting gani ginpadal-an sila sang form sa mail nakadepende sa ila county kag sila ang nalakip sa Union county.
Ang Form ang fill-outan kag bilugan ang mga kandidato nga ginboto.
Pagkatapos nga makafill-out ihulog ini sa drop box kag ipick up santo sa partido sang mga kandidato.
Suno diri, ang New Jersey ang may yara sang 14 electoral votes indi kaangay diri sa Pilipinas nga every vote counts bangud didto sa New Jersey, winner takes all kag majority wins ang basehan sang magadaug nga kandidato.
Suno kay Gammacurta, ginpahayag sini nga luyag niya kun tani may iban pa nga pilian nga mga kandidato nga nagpadalagan sang US presidential election bangud team ang president kag vice president ang pagsulundan sa US indi angay sa Pilipinas nga pwede maglain ang boto nga presidente kag bise presidente.
Suno sa iya maayo man nga presidente si Trump apang pareho man sila ni Biden nga may yara sang positive kag negative nga kinaiya.
Ginatugyan niya nalang sa mga pumuluyo kun sin o man ang botohon agud magdaug.
Suno diri, democratic state ang New Jersey bangud halos ang nagpungko nga opisyal sa estado ang democrats.
Ginpahayag man ni Gammacurta nga may yara pa kuntani mahimo ang Estados Unidos sa COVID response agud nga indi magtama ka damo ang kaso sang COVID sa US.
Apang, natam an naman sa pag value ang Americans freedom bangud kalabanan sa ila ang wala nagasunod sa basic health protocols.
