Nasiguro na ang paghampang sang Pinay tennis sensation nga si Alex Eala sa quarterfinals sa Miami Open.
Ini kasunod sang pag-isol ni Paula Badosa sang Spain gikan sa tournament.
Ginapahayag nga bangud sa injury indi na masarangan ni Badosa nga liwat maghampang.
Bangud sa mga adjustments, automatic nga nakasulod si Eala sa quarterfinals sang pretisyoso nga tournament.
Ang 19 anyos nga Filipina ang padayon nga nagahimo sang maragtas sa patag sang tennis ilabi na ang una sini nga kahigayunan nga makaabot sa kaangay nga mataas level sa isa ka WTA 1000 nga tournament.
Ang kadalag-an nga ini ang isa ka dako nga tikang para sa Philippine tennis, kag ginpasiguro nga magahatag sang inspirasyon sa mga kabataan kag atleta sa pungsod.
Sa karun, mangin kasumpong ni Eala ang magadaog sa hampang nanday Iga Swiatek kag Elina Svitolina para sa masunod nga round.
