Ginkalipay naman sang pinuno sang Bacolod Traffic Authority Office nga may yara sang improvement sa order sang traffic law sa ciudad sang Bacolod.
Sa interview sang Bombo Radyo kay BTAO head Patrick Leonard Lacson, naumpisahan na sang BTAO ang pagpaminta sang Red kag Yellow line sa dalanon nga nagapahibalo sang tow-away zone sa ciudad.
Suno diri, ang Red line, amo ang Absolute Tow Away Zone kun sa diin wala ginapahanugotan ang pagpark sa area sa tanan nga tion.
Samtang ang Yellow line naman amo ang Regulated Tow Away Zone, nga wala nagpahanugot sa pagpark sa area humalin Lunes tubtob Biyernes, sa oras nga alas-7:00 sang aga tubtob alas 7:00 sang gab-i.
Apang, suno kay Lacson, ila pa ginatrabaho kun magakinahanglan pa sang permit gikan sa Sangguniang Panlungsod ang pagbutang sang Yellow line, ini agud man wala sang may malapas nga layi.
Samtang nagpasalig naman ini nga wala naman sang problema sa pagbutang sang Red line.
Pahayag ni Lacson, may yara na sang improvement sa order sang traffic law amo nga ginalauman sini nga maga-abot ang tion nga makita sang pumuluyo ang benepisyo nga dala sang maayo nga trapiko.
