Indi magnubo sa pito ka mga persona ang nagkalamatay samtang linibo naman ang nag-evacuate bangud sa epekto ni Severe Tropical Storm Kristine.
Indi magnubo sa 32,000 ka mga persona ang nagbiya sa ila mga puluy-an sa norte nga bahin sang Pilipinas.
Sa Bicol region, kapin 400 kilometers ukon 249 miles southeast sang Manila, nangin tuman kataas ang pagbaha rason kun ngaa nabudlayan ang mga rescuers nga magpatigayon sang rescue efforts.
Suno kay regional police spokeswoman Luisa Calubaquib, nagpadala sila sang police rescue teams apang may kabudlayan sa pagsulod sa pila ka mga areas bangud tuman kataas sang pagbaha kag tuman kakusog sang current.
Isa ka persona ang nalumos sa sulod sang isa ka bus nga gin-anod sang tubig baha sa Bicol City sa Naga kun sa diin tatlo ka iban pa ang nagkalalumos.
Nalumos man ang isa ka senior citizen nga babaye sa probinsya sang Quezon samtang isa ka toddler ang nadulaan sang kabuhi matapos nga nahulog sa ginbaha nga kanal.
Ginreport naman sang civil defense office sang Manila nga isa ka persona ang napatay matapos mahulugan sang sanga sang kahoy.
