Welcome development para sa operator sang fast craft vessel ang pahayag sang Department of Transportation nga magahatag sang incentives para sa mga ship owners nga maga-invest sa pagbakal sang bag-o nga vessels kag fleets agud ma-upgrade ang existing nga mga passenger kag cargo vessels sa Pilipinas.
Sa interview sang Bombo Radyo Bacolod kay Frank Carbon, opaerator sang Weesam Express, maayo nga balita para sa ila sa shipping sector ang ginpahayag sang Department of Transportation.
Suno kay Carbon, nahatagan nagid man sila sang pagtamod bangud ang ulihi nga development sadto para sa mga sakayan pandagat ang sa tion pa ni anay President Gloria Macapagal Arroyo.
Suno diri, ang ulihi nga gindevelop ang nautical highway sa Batangas padulong sa Mindoro.
Suno pa sa chief executive officer sang MBCCI, dapat idevelop sang gobyerno ang mga puerto ukon mahimo magdugang sang puerto nga makadungka ang mga dalagko nga barko nga may dala sang 20 foot shipping containers.
Suno pa kay Carbon, dapat ang gobyerno ang makapautang man sang mas manubo nga interests kag mahimo bayaran sa sulod sang 20 ka tuig agud nga ibakal sang mga negosyante sang barko agud makanegosyo liwat.
