Apisar nga wala pa ang final presentation, dako na nga bugal para sa mga Information Techonoly (IT) program students sang South Land College sa Kabankalan City ang ginhuman nga Plastic Bottle Wifi Vending Machine.
Kalakip sa mga estudyant sanday Jasper Valiao, Wesley Hans Platil kag Genefredrich Bayor samtang ang ila nga project coordinator amo si Daniel Tagulalac.
Sa interview sang Bombo Radyo Bacolod kay Daniel Tagulalac, sila ang may Capstone project research subject, kag natabuan man nga ang ila environment friendly nga proyekto ang sunod sa sustainable development goals sang eskwelahan.
Sa vendo machine sarang nga makasulod sang mga 500ml common plastic bottles nga maconvert sa 5 minutes nga internet connection.
Sila ang nagpatigayon sang project display sang Abril 22 sa isa ka mall kun sa diin madamo ang nagwitness kag naka-apresyar sa proyekto.
Paathag ni Tagulalac nga for educational purpose pa lamang ang proyekto kag ini ang padayun pa nga ginatun-an agud mapagwa sa publiko.
Aminado ini nga nangin challenging nman sa iya nga bahin bangod ini ang manunudlo kag may iban nga estudyante, apang ginaseguro sini nga mahatagan sang tion ang pagbisita kag pagtsekyar sa progress sang proyekto.
Ang project presentation sang mga estudyante ang natalana naman subong nga bulan sang Mayo.
Suno diri, sila ang nakabatun na sang komunikasyon sang mga local government unit nga luyag magtap sa imbensyon sang mga kabataan.
