Plunder kag indirect bribery charges, ginarekomendar sang Ombudsman batok kay Senator Rodante Marcoleta angot sa campaign donation issue

Ginrekomendar sang Field Investigation Bureau sang Ombudsman ang pagpasaka sang kaso nga plunder kag indirect bribery batok kay Senator Rodante Marcoleta matapos ginaalegar nagbaton sang P75 million bilang campaign donations sang tinalikdan nga eleksyon.

Base sa complaint-affidavit nga ginpirmahan sang Mayo 18, tinutuyo sang mga imbestigador nga kasuhan si Marcoleta sang plunder kaupod si anay Quezon City 2nd District Rep. Mike Defensor kag duha pa ka indibidwal nga naghatag sang donasyon sa senador.

Ang rekomendasyon ang kabahin sa mas ginpasangkad nga imbestigasyon sang Ombudsman natuhoy sa paggamit sang campaign funds kag posible nga paglapas sa layi.