BACOLOD CITY — Magaabot si Police Director General Ronald “Bato” dela Rosa sa Negros Island Region kag mangin dinapit nga bisita sa recognition rites sang bag-o nga mga recruits sang Philippine National Police (PNP).
Ini ang ginkumpirmar ni Police Senior Insp. Armelyn Vargas, ang spokesperson sang Police Regional Office 18, sa interview sang Bombo Radyo Bacolod.
Suno kay Vargas, ginbaton ni General Bato ang imbetasyon agud mangin dinapit nga bisita kag guest speaker sang recognition rites sang kapin 300 ka bag-o nga mga recruits sang Public Safety Basic Recruit Course (PSBRC) sa Bago City College (BCC) sa diin nahamtang ang training school.
Ang seremonya hiwaton Hunyo 23, Byernes sang aga.
Apang wala naman ginkumpirmar ni Vargas kun san-o magaabot ang PNP Chief sa pihak sang nagaguwa nga reports nga magaabot ini subong nga adlaw.
