Nagahimo sang isa ka “recalibrated” approach ang Philippine National Police (PNP) agud macombat ang illegal nga druga nga magafocus sa mga sources kag supply chain sang sa street-level pushers kag mga users.
Suno kay PNP chief Police General Rommel Marbil, ang bag-o nga approach ang gindesinyo agud mangin epektibo kag indi maduguon nga kampanya paagi sa pagbutang sang premium sa human rights kag pag-address sang problema sa druga sa pungsod.
Suno kay Marbil, ang ila stratehiya sadto ang nagafocus sa pag-utod sang mga ulo apang ang dapat nga i-target amu ang lawas ukon ang kabug-usan nga supply chain kag ang sources nga ginahalinan sang drug trade.
Suno diri, ang calibrated strategy ang pagalakipan sang intensified intelligence operations kag mas makusog nga community engagement.
Ini ang isa ka strategy shift nagikan sa anti-drug campaign ni former President Rodrigo Duterte.
