Magapadayon ang Philippine National Police sa pagpangita sa compound sang Kingdom of Jesus Christ (KOJC) agud maaresto si Pastor Apollo Quiboloy kag ang iya mga co-accused.
Suno kay PNP spokesperson Col. Jean Fajardo, more or less 40 tubtob 50 percent pa lamang ang ila nga gin-inspect sa 30 ka hektarya nga compound kag may mga buildings pa nga wala na-inspect.
Suno kay Fajardo, ang ila pagpangita ang nagafocus sa karun sa bahin kun diin nakadetect sang “human life” sa isa ka underground area sa sulod sang compound.
Wala naman naghatag sang dugang nga detalye ang PNP natuhoy sa search operations.
Nag-apelar man si Fajardo kay Quiboloy kag sa iya mga sumulunod nga indi na paghimuon nga komplikado ang pagpangita.
Suno sa iya, indi magbiya ang PNP sa area tubtob nga matapos nila ang pag-inspect sa kada building sa compound.
