Nagbiya na sa compound sang Kingdom of Jesus Christ sa Davao City kag nakapauli na ang mga pulis matapos ang duha ka semana nga operasyon sa pagpangita kay Pastor Apollo Quiboloy.
Madumduman nga kapin 2,000 ka mga kapulisan ang gindeploy sa area humalin sang Agosto 24 kun sa diin nakaangkon pa sang tensyon sa tunga sang PNP kag mga miyembro sang KOJC.
Kagab-i, matapos ang pagsungka ni Quiboloy kag sang iya mga co-accused, amat-amat naman nga nagbiya sa compound ang mga kapulisan.
Antes sila naghalin, nagkamustahanay anay sila sang mga miyembro sang Kingdom of Jesus of Christ.
Nagpasalamat naman si Police Regional Office 11 Regional Director BGen Nicolas Torre III sa tanan nga miyembro sang PNP nga nagbulig agud matigayon ang pagkaaresto sang pugante nga pastor.
Suno kay Torre, dako ang nangin sakripisyo sang mga pulis agud madakpan si Quiboloy ilabi na nga nagluntad pa sa malawig nga komprontasyon ang ila pinaka-ulihi nga operation.
Nagjoke pa ini sa mga kapulisan nga sabat na sini ang lechon kag banda matapos ang ila kadalag-an.
