Ginrelieve na si Bacolod City Police Office Director Police Col. Noel Aliño kag i-reassign sa Criminal Investigation and Detection Group (CIDG) sa Philippine National Police headquarters sa Camp Crame samtang si Police Col Joel Manuel Ana ang ginrelieve man nagikan sa Criminal Investigation and Detection Group sa Philippine National Police headquarters sa Camp Crame kag igareassign naman sa Police Regional Office 6.
Ang relieve kag reassignment ang effective subong nga adlaw, Hulyo 19, 2024.
Gin-athag naman ni Police Lt. Col. Ronnie Brillo nga pagahulaton pa ang order nagikan sa Police Regional Office 6 kag ang patigayunon nga turn-of command.
Balantayan naman sa karun kun sin-o ang magapungko bilang city director sang Bacolod City Police Office.
Ginalantaw nga matapos ang State of the Nation Address (SONA) ni President Ferdinand ‘Bong bong’ Marcos Jr. sa Hulyo 22, mahibaluan ang magabulos kay Police Col. Noel Aliño bilang city director sang BCPO.
