Ang korapsyon ang halos problema sang mga pungsod apang isa ka rehiyon sa Russia ang may ginatestingan ang otoridad nga pamaagi agud nga masolbar ang nasambit nga problema.
Sa nasambit nga pungsod, ang kurapsiyon sa kapulisan ang isa ka reyalidad nga ginapangatubang sang mga tawo kada adlaw.
Apang sa Rostov region, ginapatuman sang regional Main Directorate of the Ministry of Internal Affairs ang paghatag sang reward sa mga pulis nga nagapamalibad sa suhol kag naga-report sa mga tawo nga nagatuyo nga magtanyag sa ila.
Matapos ma-report kag may mabaton nga reward, may pagabuksan nga criminal case batok sa tawo nga nagtanyag sang suhol sa idalom sang Article 291 sang Criminal Code of the Russian Federation.
Madamo sang nagkwestiyon sini kun ngaa nga ang pulis lang sa Rostov ang gina-compensate kag kun sa diin ginakuha ang kwarta para sa reward system.
Sa pihak sang kontrobersiya sa amo nga inisyatibo, ginkumpirmar sang Rostov Main Directorate of the Ministry of Internal Affairs nga may nakabaton na sang financial rewards.
