Ginbutangan na sang bag-o nga mga officer in charge ang pila ka mga police stations sa Negros Occidental samtang ginbalik sa banwa sang Toboso, Negros Occidental.
Kahapon ginpatigayon ang turn-over of command ceremony sa tunga nanday tunga nanday Police Captain Joelan Vinson kag Police Major John Rey Batadlan sa presensya ni Negros Occidental Police Provincial Office (NOCPPO) Provincial Director Police Col. Rainerio De Chavez.
Nagpungko na sa karun bilang bag-o nga hepe si Police Captain Joelan Vinson sang Binalbagan Municipal Police Station kag ginbuslan sini si Police Major John Rey Batadlan nga nagbalik naman bilang Chief of Police sang Toboso Municipal Police Station.
Samtang si Vinson ang nagikan sa Kabankalan City Police Office bilang Deputy Chief of Police.
Ginbutang man nga hepe sang San Carlos City Police Station si Police Lt Col. Nazer Canja bangud ang anay hepe nga si Police Lt Col Basman Macarangal ang nagbalik na sa iya lugar sa Region 4A.
Sa interview sang Bombo Radyo Bacolod kay Police Captain Judesses Catalogo, may yara man sang bag-o nga officer-in-charge ang Talisay City Police Station matapos ginbutang si Police Lt. Col. Alvin Christopher Baybayan bangud nag-eskwela si outgoing nga hepe nga si Police Lt. Col. Salvador Trono sa Davao sa kurso nga Public Safety Officer Senior Executive Course ukon PSOSEC.
Suno kay Catalogo ang pagbutang sang mga bag-o nga Officer in Charge sang mga police stations ang pag align sang mga personnel nga may kapasidad santo man sa pagsulundan sang NAPOLCOM kag
