Nagpahanumdom ang Regional Director sa Police Regional Office 6 sa tanan nga mga kapulisan nga seryosohon kun sila ang nagakuha sang kurso agud magsaka sa ranggo.
Sa pahayag ni PRO 6 Director Police Brig. Gen. Jack Wanky, indi dapat itake for granted ang kurso para lamang maka-angkon sang diploma para sa promotion.
Sa baylo dapat seguruhon nga may matun-an sa ginapatigayon nga continous training.
Panindugan sini nga kun hapaw lamang ang natun-an sa training, wala man ang mga ini sang ihibalo sa responsibilidad sang ila panibag-o nga ranggo.
Isa sa halimbawa sini ang hepe sa isa ka police station sa Iloilo nga ginrelieve sini kag gindagdagan sang administrative sanction.
Suno kay Wanky, may-ara sang nagreport natuhoy sa pagtake-over sang ias ka propedad sang armado nga mga persona.
Ini ang ginrespondihan man sang estasyon apang bangod ini ang disputed property, wala man lang sang ginhimo nga tikang ang hepe.
Paathag sang Regional Director, nga ang hepe ang wala sang ihibalo tuhoy sa Police Operations Procedure, nga nagapahayag nga sila ang sarang makahimo sang tikang kaangay sa pagdis-arma sang mga armado nga nagsulod sa propedad kun ini ang ginreport sa sulod sang 19 oras.
Bangod nakita nga wala nakahibalo ang hepe sa iya responsibilidad, ini ang ginrelieve sa pwesto kag ginpasakaan sang kaso.
Paandam sini nga amo ang mahimo matabo sa mga wala nagaseryoso sa training kag wala nakahibalo sang responsibilidad sang ila ranggo.
