Ginkwestyon sang political analyst ang mga kritisismo ni former Presidential Spokesperson Atty Harry Roque batok sa International Criminal Court (ICC).
Sa interview sang Bombo Radyo Bacolod kay Atty Jomax Ortiz, si Roque ang bias na bisan ano pa ang matabo, kag depensahan gid sini ang iya idolo nga si former President Rodrigo Duterte.
Apang suno diri, dapat mas tulukon ang facts.
Ini matapos gincriticize ni Roque ang ICC bangod sa pagpagwa sang panawagan nga nagapangita sang dugang nga witness sa crimes against humanity nga kaso ni Duterte.
Kun sa diin para kay Roque, ini ang nagakahulugan nga sila ang wala sang nagakaigo nga ebidensya.
Panindugan sini nga dapat wala gindetain ang anay Presidente kun wala man sang ebidensya, ukon dapat ginpahanugutan man ang request sini sa interim release.
Suno kay Ortiz, kaangay nga ginasiling ni Roque nga mango ang mga ICC judges.
Madumduman nga sa siyam ka hukom, unanimous ang ila boto sa pagbasura sang request sa interim release.
Pahayag ni Ortiz nga ang ICC ang nagaserbe nga ulihi nga dalangpan sa mga krimen nga mahimo sang mga top officials.
Ini bangod wala sang mangisog nga magfile sang kaso sa local courts, gani ini ang mahimo lamang paagi sa ICC.
Dugang pa sini nga madamo naman nga mga lideres nga nakahimo sang krimen nga napapanabat sang ICC.
Suno kay Ortiz, ang panawagan sang ICC ang wala nagakahulugan nga kulang ang ila ebidensya.
Ini bangod may mga segurado na nga testigo kaangay nanday Royina Garma, Edgar Matobato kag Arturo Lascañas.
Ang mga ini ang nagpalagyo sadto bangod sa ikasarang sang Duterte nga sila ang mapahipos.
Ini ang dugangan pa sang kaso ni Kian delos Santos, nga ginakonsiderar inosente nga na-ulamid sa war on drugs.
Pahanumdom ni Ortiz nga ang prosecution ang nagaduso na nga mapadayun ang hearing apang ang legal team ni Duterte amo ang nagapadelay paagi sa pagpahayag nga indi “fit for trial” ang anay Presidente.
Suno kay Ortiz si Atty Nicholas Kaufman, ang defense lawyer ni Duterte amo ang wala sang may napresintar nga bisan isa nga testigo.
