Nagapati ang political analyst sa Bacolod City nga insakto lamang ang ginhimo ni Vice President Sara Duterte.
Ini matapos nga nagpatigayon sang pressconference ang bise president agud nga isaysay kun paano nangin tandem ini ni President Ferdinand “Bongbong” Marcos Jr sang 2022 elections.
Suno kay Atty. Jomax Ortiz, nagakaangay lamang nga maghimo sang tikang ang bise president bangud kun maghipos lang ini mapadayon lamang ang pagpulbos sang administrasyon sa pamilya sini.
Suno kay Ortiz, self kag family defense ang ginhimo ni VP Sara bangud bilog na nga pamilya ang ginapuntirya.
Dugang pa sini nga bisan si Davao City Baste Duterte ang ginpakontrahan kay former Civil Service Commission chairperson Atty. Karlo Nograles sa pagpadalagan sini bilang bise alcalde sang Davao City sa 2025 midterm elections.
Ginpahayag man sini nga nagareach out ang magtimbang nga bahin former Vice President Leni Robredo bangud nakahibalo ang mga ini nga si Robredo ang greatest contender sa maabot nga mga piniliay.
Dugang pa sini nga indi man si PBBM ang may luyag nga pulbuson ang mga Duterte bangud kun lantawon ang may luyag amo ang grupo sang mga Romualdez.
Ini man bangud sa utang nga kabalaslan sang presidente sa mga Duterte matapos nga ginpalubong sini si Marcos Sr. sa libingan ng mga bayani.
