Ginalantaw sang political analysts sa ciudad sang Bacolod nga madutlan si Vice President Sara Duterte sang kaso ginpasaka sang Quezon City Police District (QCPD) batok diri.
Kahapon, ang Quezon City Police District (QCPD) ang nagpasaka sang kaso nga direct assault batok kay Vice President Sara Duterte kag ang pinuno sang iya nga security group sa City Prosecutor’s Office.
Ang reklamo ang nag-ugat sa natabo nga insidente nga pagsaylo sang gindetained nga si Office of the Vice President (OVP) chief of staff Zuleika Lopez gikan sa Veterans Memorial Medical Center (VMMC) sa St. Luke’s Medical Center (SLMC) sa Quezon City sadtong Nobyembre 23.
Sa interview sang Bombo Radyo Bacolod kay Atty Jomax Ortiz nga mahimo madutlan ang bise presidente sang kaso nga ginpasaka batok diri bangud may-ara sang video evidence.
Suno kay Ortiz, ang video ang magapaathag sang tanan nga natabo.
Suno diri sa video makita kun ano ang ginhimo sang bise presidente sadtong tinion.
Ginpahayag sang abugado nga kun nakita sa video nga gin-atake ang mga kapulisan nga nagapatuman lamang sang ginmando sa ila ang mahulog na direct assault.
Suno kay Ortiz, ang video na ang magasaysay sang tanan nga natabo.
Samtang sa pihak nga bahin, ginpahayag sang abugado nga ang America sa karun ang nagasulod na sa political landscape sang Pilipinas kag isa ini sa balantayan.
