Ginalantaw sang political analyst sa ciudad sang Bacolod nga nangin mabakod lamang ang mga panindugan nanday former senator Leila De Lima kag sang Commission on Human Rights nga ang war on drugs sa Duterte Administration ang ginpatigayon sa indi insakto nga pamaagi.
Sa interview sang Bombo Radyo Bacolod kay Atty. Jomax Ortiz, apisar nga ang intention sang anay President Rodrigo Duterte ang maayo kun sa diin mabuhinan ang problema sa illegal nga druga, madamo ang nagkwestyon sa pamaagi sang administrasyon sa pagpatuman sang kampanya batok sa illegal nga druga.
Suno kay Ortiz, ginalantaw sang mga grupo, Commission on Human Rights kag ni Senator Leila Delima nga illegal ang pamaagi sang anay nga administrasyon sa pagpakig-away sa illegal nga druga.
Bangud nagtambong ini sa committee hearing sa senado nagbakod lamang ang panindugan sang mga grupo batok sa war on drugs sang Duterte administration.
Ginpahayag man ni Duterte sa senate hearing nga wala siya nagmando nga pamatyon ang mga durugista kundi ang ginhambal sini nga engganyuhon sang mga kapulisan ang mga kriminal nga magbato kag kun magbato patyon nalang ini.
Suno kay Ortiz, dapat ang mga opposition ang nagfile nalang sang kaso sa regional trial court agud nga korte na ang madesisyon sini kag hulaton nga magwa ang warrant of arrest batok kay Duterte.
Nakita man ni Ortiz nga pabay-an nalang sang International Criminal Court ang Department of Justice nga mag-imbestigar bangud ang Justice system sang Pilipinas ang working man.
