Para sa kilala nga political analyst, highly emotional nga klase sang tawo si US President Donald Trump.
Sa interview sang Bombo Radyo kay Atty Jomax Ortiz, si Trump pa lamang ang nangin presidente sang Estados Unidos nga highly emotional kag kun ano man ang yara sa iya utok ukon ano ang iya luyag, iya gid gina-implementar.
Suno diri, siya pa lamang ang presidente sang US nga duha ka beses na ma-impeach, may criminal case sa falsification, nagpa-aresto sa presidente sang Venezuela kag nagpatigayon sang pag-atake sa Iran bisan wala sang approval gikan sa kongreso.
Apang, suno kay Ortiz sa karun nga giyera kun lantawon kaangay nga ikondenar sang iban si Trump apang sa analysis sang political analyst may yara sang matabo nga paghinugyaw ilabi na sa Middle East sa ginalauman nga indi na magdugay pa ang kinagamo.
Dugang pa sini, kun may pagbag-o na sa liderato sang Iran, may yara na sang kalinong sa middle east.
Nagapati si Ortiz nga indi na magalawig kag matapos na ang giyera kag mabuksan na ang Strait of Hormuz.
Pahayag sini, kun may portion nga mabuksan sa Strait of Hormuz, may epekto na ini sa pagnubo sang presyo sang produktong petrolyo.
