Linibo ang nagtambong sa pontifical coronation sang Birhen sang Barangay subong nga aga sa San Sebastian Cathedral.
Ginpadala mismo sang Vatican si His Excellency Archbishop Charles Brown, Papal Nuncio to the Philippines agud koronahan ang original icon sang Birhen sang Barangay nga nagikan pa sa Silay.
Si Archbishop Victor Bendico sang Capiz naman ang nagpatigayon sang homiliya.
Lakip sa mga nagtambong ang kaprian gikan sa lainlain nga diocese sa pungsod, mga madre, estudyante sang naarisari nga eskwelahan, lay faithful gikan sa lainlain nga parokya sa Diocese of Bacolod, deboto sang Barangay sang Birhe, kasubong man sanday Vice Mayor Kalaw Puentevella kag ang negosyante nga si Jerry Sy.
Naghatag man sang mensahe sang pagpasalamat si Bishop Patricio Buzon sang Diocese of Bacolod.
Ang Birhen ng Barangay ang rebulto ni Blessed Virgin Mary nga nagakugos kay baby Jesus, samtang ini ang nagabitbit sang rosaryo kag nakasuksok sang traditional nga Filipiniana attire.
Ini ang una nga pontifical coronation sa pagpamuno ni Pope Leo XIV sa Simbahan Katoliko.
Temporaryo naman nga ginsarado ang dalan sa atubang sang San Sebastian Cathedral agud magamit nga parking area sa aktibidad.
