Dako ang nangin bulig sang wanted posters nga ginrelease sang Philippine National Police sa pagkaaresto ni Pauleen Canada, ang co-accused sa Anti-Trafficking Case ni Kingdom of Jesus Christ founder Pastor Apollo Quiboloy.
Si Canada ang naaresto sa isa ka subdivision sa Davao City matapos ang isa ka tip nga ginpadala sa Department of the Interior and Local Government.
Siya ang naaresto duha ka kilometros lamang ang kalayuon nagikan sa regional office sang Davao Police.
Suno kay PNP Chief General Rommel Marbil, siya ang nagapanago kag mabudlay pangitaon ang persona nga nagapanago bangud nakahibalo sila kun ano ang ila himuon kun yara ang mga pulis.
Suno sa DILG, ang wanted posters nga nagahatag sang P1 million nga reward para sa pagkaaresto ni Canada ang isa sa mga key factor nga gintunaan sang pagkaaresto.
Suno kay DILG Secretary Benhur Abalos, nakit-an sang informant ang isa ka babaye nga kaangay ang nawong sa litrato sang isa ka wanted poster nga ginpagwa sang PNP.
Samtang, nagapati naman ang gobyerno nga ang nabilin nga mga pugante ang yara pa sa karun sa pungsod apang wala man nila ginadula ang posibilidad nga basi nagpadulong na ang mga ni sa luwas sang pungsod.
