Preparado na ang mga dance group nga magacompete sa Handog ng Bombo Radyo and Star FM sa Masskara Festival – Dance Showdown Competition sa Bacolod City Public Plaza sa Oktubre 25.
Sa interview sang Bombo Radyo kay Clyth Peñafiel, head choreographer sang United Freestylerz Crew, bilang defending champion sang nakaligad nga competition preparado na sila sa pagdepensa sang korona.
Suno diri, padayon ang ila nga practice bilang team.
Suno kay Peñafiel, nag-umpisa ang grupo sang nag-unite ang Bacolod Freestylerz kag United Dance Crew kun sa diin iban sa mga founder sang grupo ang nagtaliwan na.
Ang United Freestylerz ang nabuo bangod nga iban sa mga miyembro ang may pamilya na kag trabaho samtang ang iban naman ang mga kabataan pa kag naga-eskwela.
Suno pa diri, siya ang 16 na ka tuig nga kabahin sang grupo kag sa karun wala ini sang plano nga mag-untat sa pagtudlo kag pagsaot tubtob sa ikasarang sini.
Una na kun tani nagplano ang grupo nga magpahuway apang bangod nga kada tuig nagaparticipate na ang United Freestylerz sa Handog ng Bombo Radyo and Star FM sa Masskara Festival – Dance Showdown Competition, liwat sila nga nag-unite kag nagalaum nga madepensahan ang korona.
Pahayag sini, madamo na sila sang experience kag wala sila nagalaot sang prizes apang luyag lamang nila nga mapakita ang ila ginpangabudlayan paagi sa pagsaot.
