President Bongbong Marcos, imbetahon lamang sa Kamara kun maseguro na nga “sufficiency in form and substance” ang impeachment complaint

Ginpaathag sang House Committee on Justice nga imbitahon lamang nila si President Ferdinand “Bongbong” Marcos Jr., para sa impeachment complaint batok sa iya kun mapatud-an nga husto ang ginbutang nga reklamo.

Suno kay Batangas Rep. Gerville Luistro, chairperson sang House justice panel, paga-isahon ang duha ka mga reklamo antes usisaon sang 38 ka mga miyembro sang committee kun ini bala nagasaad sang husto kag pormal.

Dugang pa sini, ang “sufficiency in form” ang nagakahulugan nga ang reklamo dapat pirmado, na-verify, kag gin-endorso sang isa ka miyembro sang Kamara.

Samtang ang “sufficiency in substance” ang nagakahulugan nga ang mga alegasyon ang may nagakadapat nga ebidensya agud mapamatud-an ang basehan sang impeachment.