Indi madistract si President Ferdinand Marcos Jr. sa maskin ano nga panawagan nga magresign suno kay Communications Secretary Dave Gomez.
Ini matapos linibo nga mga protesters ang nagrally kahapon agud magpanawagan sang accountability sa tunga sang mga alegasyon sang korapsyon sa flood control anomaly.
Suno kay Gomez, pagatapuson sang Presidente ang iya trabaho.
Suno sa iya, kun madumduman, mismo ang Presidente ang nagpanawagan sang imbestigasyon sa korapsyon sa flood control sa iya State of the Nation Address.
Suno diri, pagatapuson sang Presidente ang iya ginsuguran nga trabaho kag nagmonitor ang bilog nga Malacañang sa protesta bangud ila ginarespeto ang kinamatarong sa malinog nga pagtililipon kag pagpabutyag sang kaakig.
Pasalig ni Gomez nga nabatian sang administrasyon ang panawagan sang mga pumuluyo kag indi madismaya ang mga tawo apang dapat tandaan nga may yara sang due process ang tanan.
