Nag-upod si President Ferdinand “Bongbong” Marcos Jr. sa pagpangamuyo sang madasig nga recovery ni Pope Francis, nga nagapabilin sa karun nga yara sa kritikal nga kondisyon bangud sa pneumonia kag kidney issues.
Suno kay Marcos, ginakasubo sini nga mabatian ang malala nga balatian ni Pope Francis.
Suno sa iya, ang Pilipinas ang naga-upod sa bilog nga kalibutan sa pagpangamuyo sang kusog kag pag-ayo sang Santo Papa.
Nagalaom ini nga ubayan kag pakusugon sang Ginoo si Pope Francis agud magpadayon ang iya misyon sang pagtuo kag pagpalangga sa mga katawhan.
Sang 2015, si Pope Francis ang nagbisita sa Pilipinas, ang nagaisahanon nga predominantly Catholic country sa Asia, kun sa diin siya ang nagpatigayon sang misa sa capital city kag nagbisita sa mga biktima sang Typhoon Yolanda sa Leyte.
