Nagmando si President Ferdinand “Bongbong” Marcos Jr. sa tanan nga ahensya sang gobyerno nga siguruhon nga mabayaran gilayon ang mga contractors nga naghimo sang insakto nga mga proyekto.
Suno kay Palace Press Officer Undersecretary Atty. Claire Castro, ini ang isa sa mga tikang agud ma-imprubar ang ekonomiya matapos nagpanawagan ang Presidente sang imbestigasyon sa anomaliya sa flood control projects.
Suno kay Castro, nagmando si Marcos nga siguruhon nga mabayaran ang mga contractors nga nagatuman sa ila mga kontrata.
Suno diri, kun madasig ang proseso sang pagbayad, mangin maayo man ang pagtrabaho sang mga ini para sa mga Pilipino.
Suno sa iya, kinahanglan man ang maayo nga koordinasyon sa tunga sang national kag local government agud mabantayan kag matapos ang mga proyekto para sa imprastraktura.
