Ginpabugal ni President Ferdinand Marcos Jr., sa iya nga State of the Nation Address (SONA) ang nagkalain-lain nga proyekto kag programa sang gobyerno agud nga mangin masanyog pa ang agrikultura kag agud nga malab-ot ang food security sang pungsod.
Ginpahayag sang presidente nga tutukan sang iya administrasyon ang pagpabakod sang lokal nga produksiyon.
Magluwas sa mga proyekto, gin-emphasize man sang presidente ang paghatag sang gobyerno sang suporta sa mga mangunguma kag mangingisda kaangay lamang sa paghatag sang 100 million nga nagkalain-lain nga binhi kag abono.
Nagpanagtag man ang gobyerno sang linibo ka mga manok agud padamuon.
Masobra linibo ka mga buto sang isda kag linibo man ka bangka.
Nakabulig man ang renovation sang mga fish ports may tinutuyo nga masuportahan ang fishery industry.
Isa man sa ginpabugal sang president nga manugtapos naman ang yara sa 1,200 kilometer farm to market roads sa bug-os nga pungsod nga dako nga bulig agud nga mapadasig ang pagpanaog sang mga agriculture products padulong sa merkado.
Ginpahayag man ni Marcos nga gin-umpisahan naman gobyerno ang proyekto nga Lawa at Binhi kun sa diin ginpatukod ang modern water storage agud nga mas mangin preparado pa kag protektado ang mga mangunguma sa tion nga magluntad ang El Niño.
