Gin-akusaran sang kampo ni anay President Rodrigo Duterte si President Ferdinand Marcos Jr. nga pasimuno sang isa ka scheme agud nga mapadala sang mga testigo sa International Criminal Court (ICC).
Sa opening statement ni Atty Nicholas Kaufman, legal counsel ni Duterte, sa confirmation of charges hearing kahapon, Pebrero 23, 2026 ginbunyag sini ang isa ka transcript sang tawag sa telepono.
Wala man ginhingadlan nga indibidwal ang nagacontrol sa mga testigo.
Nagapangatubang si Duterte sa three counts sang crimes against humanity may kaangtanan sang iya nga maduguon nga anti-narcotics campaign.
Suno sa reports sang gobyerno nga yara sa 6, 200 ang napatay sa operasyon apang nagdangat sa 30,000 ang pagbanta sang mga human rights organizations.
Natalana ang mga masunod nga hearing sa Pebrero 24, 26, kag 27.
Samtang pormal nga gin-ayo sang kampo ni anay President Rodrigo Duterte sa mga mahistrado sang International Criminal Court (ICC) nga ibalik ang anay presidente sa mga Pilipino kag sa iya nga pamilya.
Sa pag-atubang sa husgado, ginplastar ni defense counsel Nicholas Kaufman ang mangin masunod nga tikang sang ila nga team bilang depensa sang anay presidente.
Sa pag-apelar sa korte ginbansagan pa sang abogado si Duterte bilang Tatay Digong kag gingamit ang hugot nga panawagan nga “Give him back to his family.”
Tinutuyo sang manipestasyon nga ipadangat sa ICC ang sentiyemto kag hearing sang mga supporters kag pamilya sang anay presidente sa Pilipinas.
Ang tikang nga ini sang depensa ang kasunod sang nagpadayon sa hearing kag paglatag sang ebidensya sang ICC kaangot sa ginapatigayon nga imbestigasyon sa maduguon nga drug war sang nakaligad nga administrasyon.
