Nagpasalig si President Ferdinand Marcos Jr. nga indi mag-untat ang Pilipinas sa commitment sini sa pagdepensa sang iya teritoryo kadungan sang pagmarka sang pungsod sa ika-126 nga anibersaryo sang adlaw sang kahilwayan.
Apisar nga wala sang may ginlawag nga maskin ano nga pungsod si Marcos, ang iya administrasyon ang nangin vocal sa pagdenounce sang claims sang China sa West Philippines Sea.
Sa speech sang Presidente, ginpahayag sini nga ang atun mga baganihan ang wala nag-atras sa gyera sadto gani indi man kita dapat magtalikod sa responsibilidad nga ipakigbato ang atun teritoryo.
Suno diri, wala nagakatakos sa kusog ukon manggad kundi sa matuod-tuod nga buot-silingon sang ginapakigbato sang paghigugma para sa pungsod kag indi matupungan nga pag-isa sang mga pumuluyo.
Panugyan sini sa mga Filipino nga magpabilin nga mabakod.
Ginmensyunar man ni Marcos ang pila ka mga Flipino nga baganihan sa iya speech kag ginpatpat ang ila importansya sa kahilwayan nga gin-enjoy sang pungsod sa karun.
Suno sa iya, ang kahilwayan ang dapat ginaatipan, ginabantayan kag ginapakigbato bangud sa tion nga ini ang pabayaan, ini ang posible nga madula kag maagaw sa atun.
