Ginpahayag sang Malacañang nga ginpangalanan ni President Ferdinand R. Marcos Jr. ang anay presidente sang Philippine Judges Association kag retired Marikina Regional Trial Court (RTC) judge nga si Felix Reyes bilang chairperson sang Philippine Charity Sweepstakes Office (PCSO).
Santo sa report sang Presidential Communications Office (PCO), si Reyes ang nagpanumpa paagi kay Executive Secretary Lucas Bersamin.
Bilang bag-o nga chairman sang PCSO Board of Directors, magaserbe si Reyes bilang pinuno sang principal agency sang gobyerno para sa pagtipon kag paghatag sang pondo para sa health programs, medical assistance and services, kag charities sang national charter.
Ang PCSO ang nagapatigayon sang regular nga charity sweepstakes lotteries kag naga-engage sa health kag welfare-related investments, projects, kag activities agud nga makahatag sang permanente kag nagasige nga makuhaan sang pondo para sa mga programa sini.
Si Reyes ang nagserbe bilang presiding judge sang Marikina RTC humalin sang 2006 tubtob 2021 kag bilang acting presiding judge sang Taguig RTC Branch 70 humalin sang 2017 tubtob 2019; nagserbe man sa Regional Trial Court sa Lipa City humalin sang February 2011 tubtob September 2021 kag sa Regional Trial Court sa Calamba City humalin sang 2011 tubtob 2013.
-- ADVERTISEMENT --
