![](https://img.bomboradyo.com/bacolod/2019/05/59380273_2159686877676198_1851961748819542016_n.jpg)
Gingarantiya ni Presidente Rodrigo Dutere ang safety ukon kaluwasan sang mga residente sa banwa sang Moises Padilla sa adlaw sang eleksyon.
Sa pagbisita sang presidente sa Moises Padilla kaina sang kasisidmon, wala ini naghatag sang speech ukon interview sa mga katapo sang media apang paagi kay Vice Mayor Ella Celestina Garcia-Yulo nga iya gin-istorya sa Moises Padilla Elementary School, ginpasalig ni Duterte ang safety sang mga pumuluyo sa Lunes.
Sa exclusive interview sang Bombo Radyo kay Yulo, ginpahayag sini nga hilway ang iya kasimanwa nga magboto bangud suno sa chief executive, “the voice of the people is the voice of God”.
Suno kay Yulo, ginpasiguro ni Duterte nga wala sang harassment kag intimidation nga matabo sa Mayo 13.
Bangud sini, nagpanawagan ang bise alkalde sa iya kasimanwa nga maggwa kag magboto bangud indi magpangibabaw ang kademonyohan sang gintumod niya nga si Mayor Magdaleno ‘Magsie’ Peña.
Sang ginkuhaan si Peña sang reaksyon, nagkadlaw lamang ini sa akusasyon ni Yulo nga iya man lang hinablos.
Suno kay Peña, ini ang ginapaminsar sang indibidwal nga nagagamit sang iligal nga druga.