Ginapaandaman ang mga motorista nga maghanda sa panibag-o naman nga madako nga pagsaka sang presyo sang produktong petrolyo nga ginalauman ipatuman sa masunod nga semana.
Suno sa isa ka oil industry source, base sa pagbaligya ukon trading sang fuel sa nakaligad nga apat ka adlaw, posible nga magsaka ang presyo sang diesel sa mga gasolinahan sang P19 tubtob P22 kada litro.
Ginapaabot man nga magasunod ang gasolina, nga mahimo magsaka sang P12 tubtob P16 kada litro.
Suno sa source, posible pa nga mas magsaka ang presyo bangod ginapaabot nga magsaka ang Mean of Platts Singapore (MOPS) trading sa Biyernes.
Samtang sa sini nga semana, nag-ugyon ang mga fuel retailer nga i-stagger ang dako nga pagsaka sang presyo sa mga gasolinahan.
Ini matapos magsira ang Strait of Hormuz bangod sang nagapadayon nga tensyon sa tunga sang Estados Unidos kag Israel batok sa Iran.
Santo sa datos sang Department of Energy (DOE), ginpatuman sang mga retailer ang pagsaka sang presyo kada litro sang Gasolina sa P7.00 tubtob P13.00, diesel P17.50 tubtob P24.25, kag Kerosene P32.00 tubtob P38.50.
**OBB FOREX
