Presyo sang Diesel sa gasolinahan nga ginapanag-iyahan sang pamilya ni Donny Pangilinan, ginpanubuan bilang bulig sa komunidad

Gin-anunsyo sang amay ni Donny Pangilinan nga si Anthony Pangilinan nga ila ginpanuboan ang presyo sang diesel sa ila family-owned nga gasolinahan sa South Forbes, Silang, Cavite agud mabuligan ang mga nagakinahaglan sa komunidad.

Sa facebook post ni Anthony sang Lunes, Marso 16, ginpahayag sini nga ang ideya nga pagpanubo sang presyo ang ginsuhestyon sang iya bata.

Suno diri, nagsugod kahapon ang ila pagpanubo sang presyo sang ila produktong diesel.

Dugang pa, ginpanubo nila sa P3 kada litro ang ila regular nga presyo.

Aminado ini nga ang pagsaka sang presyo sang produktong petrolyo ang nakaapekto man sa ila nga negosyo, apang suno diri ang ila misyon amo ang makabulig sa komunidad kag padayon nila ini nga himuon samtang masarangan pa.