Presyo sang gasolina, nagsaka sang 10 sentimos kada litro; presyo sang diesel, nagpanaog sang 70 sentimos

Atensyon sa mga motorista… may ara na naman sang mixed adjustment nga ipatuman sa mga produktong petrolyo sumugod subong nga adlaw.

Kun sa diin may pagsaka sa presyo sang gasolina samtang nagnubo naman ang presyo sang diesel.

Sa abiso sang Seaoil Philippines Corp., kag Shell Pilipinas Corp. nagdugang sang P0.10 ang presyo sang kada litro sa gasolina, samtang maganubo naman sang P0.70 sa diesel, kag P0.60 sa kerosene.

Magapatuman man sang amo nga fuel adjustments ang Cleanfuel kag Petro Gazz, maluwas kerosene nga wala sa ila produkto.

Nagsugod ang mga pagbag-o sa presyo alas-6:00 kaina sang aga Oktubre 21.