Liwat naman nga nagpatuman sang price hike sa gasolina samtang may pagnubo naman sa presyo diesel kag kerosena sumugod subong nga adlaw.
Sa separado nga advisories ang Petron Corp., Seaoil Philippines Corp., kag Shell Pilipinas Corp. ang nagpatuman sang pagsaka sa presyo sa kada litro sang gasolina nga P0.20 samtang nagpanubo naman sang P0.20 sa kada litro sang diesel kag kerosene.
Samtang ang Cleanfuel kag Petro Gazz, PTT Philippines Corp, kag Unioil Petroleum Philippines Inc. ang magapatuman sang pareho nga price adjustment magluwas sa kerosene nga wala sa ila produkto.
Nangin epektibo ang price adjustment sa tanan nga firms alas-6:00 subong nga aga magluwas sa Cleanfuel nga magapatuman sang pagbag-o sa presyo alas 4:01 karun sa hapon.
Una nga ginlantaw sang Department of Energy-Oil Industry Management Bureau (DOE-OIMB) ang ginalauman nga pagnubo sa presyo sa kada litro sang gasolina, diesel kag kerosene kasunod sang paghagan-hagan sang global prices matapos nga ang mga investors ang liwat nga nagtutok sa Russia-Ukraine peace talks.
