Presyo sang gasolina, nagsaka sang P1.35 kada litro; Diesel, nagsaka sang P1.30

Madugangan naman ang kabudlayan sang mga motorista subong nga semana.

Sa separado nga advisories, nagpatuman ang Seaoil Philippines Corp, kag Shell Pilipinas Corp sang P1.35 nga price increase sa gasolina, diesel nga P1.30 kag P1.10 kerosene.

Nagpatuman si Cleanfuel kag Petro Gazz sang pareho nga price adjustments magluwas sa kerosene nga wala sa ila produkto.

Ang price adjustments ang nagtake effect alas 6:00 ang takna kaina sang aga magluwas sa Cleanfuel nga magapatuman ang price hike alas-4:01 ang takna karun sa hapon.

Madumduman sang tinalikdan nga semana nagpatuman sang oil price rollback ang mga oil firms kun sa diin P3.60 sa kada litro sa gasolina; P2.90 sa kada litro sang diesel kag P3.30 sa kada litro sang kerosene.