Maayo nga balita para sa mga motorista nagpatuman naman sang pagnubo sa presyo sang produktong petrolyo subong nga adlaw.
Sa separado nga advisories nagpahayag ang Chevron Philippines Inc. (Caltex), Seaoil Philippines Corp. kag Shell Pilipinas Corp., nga nagpatuman sila sang P1.55 nga pagnubo sa kada litro sang gasolina, P1.30 sa kada litro sang diesel kag P1.40 sa kada litro sang kerosene.
Nagpatuman man ang Cleanfuel kag Petro Gazz sang pareho nga adjustments, magluwas nalang sa kerosene nga wala sa ila nga produkto.
Nangin epektibo ang price adjustments kaina alas 6:00 ang takna kaina sang aga sa tanan nga oil firms samtang ang Cleanfuel nagpatuman sang price adjustment alas 12:01 ang takna kaina sang kaagahon.
Sang tinalikdan nga semana ang mga oil firms ang nagpatuman sang oil price hike nga P50 sa kada litro sang gasolina, P0.30 sa kada litro sang diesel kag P0.70 sa kada litro sang kerosene.
