May-ara sang pagmahal sa presyo sang isda sa Semana Santa, partikular na subong nga Biyernes Santo.
Sa interview sang Bombo Radyo Bacolod kay Anna, fish vendor sa Libertad Public Market, bangod sanag ang bulan, dyutay lamang ang makuha nga isda.
Bangod sa manubo nga supply, ini ang nagatuga naman sang pagsaka sang presyo.
Dugang pa nga madamo ang nagapatigayon sang abstinence sa karne ukon paglikaw sa pagkaon sang karne kag nagapuasa, gani nagadako ang demand sa iban nga alternatibo, partikular na ang isda.
Suno kay Anna, yara sa maximum nga P20 ang mahimo pagsaka sa presyo sang pila ka isda.
Sa ulihi nga pagtsekyar sang Bombo News Team sa kada kilo sang isda kahapon:
–Blue Marlin – P480 per kilo
–Lagaw – P380 per kilo
–Tilapia – P180-P200 per kilo
–Bangrus – P240 per kilo gikan sa anay P220
–Bilong-bilong – P260 per kilo gikan sa anay P240
–Marot – P200 per kilo gikan sa anay P180
–Salmonete – P160 gikan sa anay P140
–Pasayan – P400 gikan sa anay P380
Ang mga presyo ang ginalantaw nga magasaka pagid subong nga adlaw.
Wala naman sang pagbag-o sa presyo sang pakinhason.
