Madasig nga nagsaka ang presyo sang krudo kasunod sang mga report nga ginpalupkan kag gin-agaw sang US Navy ang isa ka barko nga may hayahay sang Iran sa Gulf of Oman, nga ginaalegar nagatinguha nga makalikaw sa naval blockade.
Nagpamahog ang Iran nga magtimalos sa nasambit nga insidente, nga ila gintawag nga “armed piracy”, samtang padayon gihapon ang tensyon sa tunga sang Estados Unidos kag Iran sa rehiyon.
Gani, naapektohan ang suplay sa Strait of Hormuz, nga nagtuga sang pagsaka sang presyo sang U.S. crude sa $87.90 kada bariles kag Brent crude sa $95.64.
Madumduman nga nagpanaug na ang presyo sang langis sang nakaligad nga adlaw matapos ang report sang posible nga pagbukas sang ruta apang mas naglala subong bangud sang bag-o nga mga nagluntad nga insidente.
Sa tunga sang krisis, nagapabilin nga wala sang kasugtanan ang duha ka pungsod kag nagpamalibad man ang Iran sa second round sang peace talk sa Pakistan bangud sa nagapadayon nga blockade sang Estados Unidos.
Samtang, magatakop na ang ceasefire deal sa Miyerkules sang gab-i (Washington time), suno kay US President Donald Trump.
