Nagpaggwa sang pahayag ang Iran’s Islamic Revolutionary Guard Corps (IRGC) nga ila nakumpiskar ang isa ka oil tanker nga ginhingadlan Ocean Koi sa isa ka “special operation” sa Gulf of Oman.
Suno sa Iran, tuyo sang nasambit nga barko nga gub-on ang oil exports kag interes sang pungsod rason nga ginkumpiskar ini sang ila navy.
Nagpagwa pa sang video ang Iranian state media nga nagapakita sang mga suldado nga nagasakay sa barko nga ginapahayag narehistro sa Barbados.
Samtang, nagpahayag naman ang U.S. Central Command (CENTCOM) nga “gin-disable” nila ang duha ka oil tanker nga may hayahay sang Iran samtang nagapalapit sa mga pantalan sang Iran sa amo nga rehiyon.
Suno kay CENTCOM Commander Admiral Bradley Cooper, padayon nga ginapatuman sang U.S ang blockade batok sa mga barko nga nagasulod ukon nagagwa sa Iran.
Naglala ang tensyon pagkatapos nga nagbayluhanay sang lupok ang U.S. kag Iran sa Strait of Hormuz.
Suno kay anay Presidente Donald Trump, gina-alegar gin-atake sang Iran ang tatlo ka U.S. Navy destroyers apang ginpanginwala ini sang Iran kag nagpanindugan nga ang Estados Unidos amo ang una nga naglapas sa ceasefire deal matapos ang gina-alegar pag-atake sa Iranian oil tanker kag isa pa ka barko.
Santo sa report sang Iran, napulo ang pilason sa ila nga hanay samtang lima naman ang ginapangita pa.
Pahayag sang Iran, sila ang nagbalos sa U.S. paagi sa pag-atake sa mga barko militar sang Amerika sa Strait of Hormuz kag sa nabagatnan nga bahin sang Chabahar.
