Ginpahayag sang Department of Trade and Industry kag Department of Agriculture nga nagapabilin nga estable ang presyo sang pila ka mga balaklon kag iban diri mapabilin sa amo nga presyo tubtob sa katapusan sang tuig.
Sa ginpatigayon nga price monitoring activity nanday Trade Secretary Cristina Roque kag Agriculture Secretary Francisco Tiu Laurel, Jr., suno kay Roque ang mga undas-related items kag mga items nga masami ginabakal para sa All Souls Day, nagapabilin ang presyo sa idalum sang suggested retail price nga ginset sang DTI.
Suno diri, wala sang price increase sa basic necessities kag prime commodtiies tubtob sa Disyembre 31, 2025.
Samtang, ginpahayag naman ni Tiu Laurel nga estable man ang presyo sang agricultural products lakip na ang bugas.
Apang nakaset nga mag-import ang pungsod sang mga utan kag isda sa masunod nga bulan sa ginalantaw nga pagnubo sang domestic supply kag ang pag-agbot sang imported goods makabulig nga ma-stabilize ang presyo.
