-- ADVERTISEMENT --
Ginalantaw sang Department of Agriculture (DA) nga ipagwa sa katapusan sini nga Abril, ang executive order nga magapatuman sang price ceiling sa imported nga bugas.
Suno sa DA, gin-aprubahan ni Presidente Ferdinand Marcos Jr. ang P50-per-kilo nga price cap sa imported nga bugas.
Ginpasiguro naman sang ahensya nga magapabilin nga bastante ang stock sang bugas sa mga bodega sang National Food Authority bisan nga nagasaka ang demand para sa P20-per-kilo rice program sang gobyerno.
Agud nga madugangan ang domestic supply antes ang panahon sang pag-ani sang humay sini nga tuig 2026, ginpasugtan sang DA ang limitado nga pag-import sang bugas halin sang Enero tubtob Marso.
