Mahimo magpatuman sang flexible work arrangements ang mga pribado nga kumpaniya kun mag-ugyon ang amo kag mga empleyado suno sa Department of Labor and Employment (DOLE) kag Employers Confederation of the Philippines (ECOP).
Pahayag sang DOLE, mahimo nga bag-uhon sang mga kompaniya ang mga work schedule agud mapabilin ang productivity. Isa ka halimbawa sini amo ang apat ka adlaw nga semana sang pagtrabaho, sa diin ang oras sang pagtrabaho mas malawig halin sa Lunes tubtob Huwebes.
Apang kinahanglan nga pareho sa gihapon ang sweldo kag benepisyo sang mga empleyado bisan magbag-o ang schedule.
Gindugang pa sang ECOP nga ang flexible work setups makabulig sa mga negosyo apang indi ini mandatory kag yara sa gihapon sa desisyon sang tagsa ka kompaniya.
