Ginpangunahan ni Negros Occidental Governor Eugenio Jose ‘Bong’ Lacson ang paghatag sang pasidungog paagi sa necrological service nga ginpatigayon kaina sang aga para kay the late Governor Daniel ‘Bitay’ Lacson Jr.
Alas- 9:00 kaina sang aga, nag-abot ang funeral procession sa kapitolyo kun sa diin ginbitbit ni former board member Patrick Leonard Lacson ang abo sang iya amay.
Suno kay Governor Lacson, makit-an na sa karun ang bunga sang mga programa sang anay gobernador.
Suno diri, madamo sang ginbun-ag sa kalibutan para mangin isa ka lider apang may yara man sang gintawag para magpamuno kag ang anay gobernador ang gintawag kun sa diin hugot sini nga ginbaton ang posisyon.
Dugang pa ni Lacson, ang tanan nga kahimuan sang anay gobernador ang nagpromote sang alternative livelihood para sa Negrosanon kasubong man sa pagsanyog sang ekonomiya.
Ginpahayag man sini nga sang nag-abot ang tion nga nagbiya ini sa iya nga pwesto, wala naman nag-untat si ‘Bitay’ Lacson sa pagserbisyo sa publiko.
Dako naman ang pagpasalamat sang pamilya ni the late Governor Daniel ‘Bitay’ Lacson Jr. sa tribute nga ginhatag sang probinsya.
Suno kay former board member kag Bacolod Traffic Authority Office Head Patrick Leonard Lacson, sang nagtaliwan ang iya amay madamo ini sang nabatian kag nahibaluan nga esturya sa nangin masanyog nga trabaho sang iya amay.
Suno diri, inspirasyon sini ang iya amay nga luyag niya nga sundon sa pagserbisyo.
