Land Conflict ukon problema sa duta ang ginalantaw nga rason sang pagpatay sa isa ka pamilya sa Sitio Guinam-an, Barangay Buenavista, Murcia, Negros Occidental sang Hwebes sang gab-i.
Ang mga biktima ang ginlakipan sang amay nga si Neldy Celayes, 59 anyos, iloy nga si Josephine Celayes, 60 anyos kag ang ila bata nga si Jovie Celayes, 33 anyos.
Sa interview sang Bombo Radyo Bacolod kay Police Major Sherwin Fernandez, hepe sang Murcia Municipal Police Station, wala pa sila sang person of interest sa nagpatay sa tatlo ka mga biktima.
Suno kay Fernandez, may yara sila sang ginalanyaw nga motibo sa pagpatay sa mga biktima kag indi ang land conflict ukon away sa duta santo man sa panaysayon sang mga residente sa lugar.
Nagsaka ang katapo sang Scene of the Crime Operation (SOCO) kag ginproseso ang crime scene kun sa diin may narecover nga mga basiyo sang bala.
Suno kay Fernandez, ang mag-asawa ang nagatanom sang tubo sa ila nga duta kag kun kaisa nagatanom man sang tuba sa duta sang iban kun sa diin nagaarado, nagatapas kag nagapanghilamon kag amo man ang ginaubra sang ila bata nga isa man sa mga biktima.
Suno kay Fernandez, halos kalabanan sang ila mga napamangkot kag halos man himata sang biktima nga away sa duta ang rason sa pagpatay sa mga ini.
