Isa patay kag isa ang pilason sa pagbun-anay kag lab-anay sang duha ka senior citizen sa Hacienda Sta Angela, Brgy Abo-abo, Murcia, Negros Occidental.
Ang napatay ang ginkilala nga si Alyas Berto, 69 anyos, samtang ang suspect naman amo si Alyas Eduardo, 71 anyos.
Sa inisyal nga imbestigasyon sang Murcia Municipal Police Station, magabakal kuntani si Eduardo sa tyangge ni Berto sang sigarilyo.
Apang nagpahayag ang tindero nga out of stock na ang sigarilyo, nga wala naman ginpatihan ni Eduardo.
Bangod sini sila ang nagbaisay tubtob nga naggamit na sang mga patalom.
Si Berto ang nag-agom sang patal nga samad sa tyan tuga sang pagpamuno nga gintunaan sang iya kamatayon.
Samtang si Eduardo ang may pilas naman tuga sang pagpanglabo, nga sa karun nagarecover na sa ospital.
Narecover naman sa crime scene ang isa ka binangon.
