Natalana nga isubmit sang administrasyon ni President Ferdinand Marcos Jr., sa House of Representatives ang hagna nga P6.352 trillion budget para sa masunod nga tuig subong nga adlaw, Hulyo 29.
Pormal nga ginpasa ang 2025 National Expenditure Program ni Budget Secretary Amenah Pangandaman kay Speaker Ferdinand Martin G. Romualdez kag iban pa nga opisyal sang kongreso.
Patigayunon ang simple nga turnover ceremony alas 10:00 ang takna sang aga sa Romualdez Hall sang Kamara sa Batasang Pambansa complex sa Quezon City.
Ginpahayag naman ni Speaker Romualdez nga handa ang Kamara agud nga batunon ini kag gilayon pagaumpisahan ang deliberasyon sini sa committee.
Suno pa diri, ila id-idon kag tun-an ang propose budget kag pagagamiton ang oversight function sini agud nga masiguro nga insakto ang ginahimo nga paggastos sini sang mga ahensya sang gobyerno.
Suno kay Romualdez ang bersyon nga ginsumiter sang kamara ang nakapila na sa mga prayoridad kag agenda for prosperity ni President Marcos.
Suno pa diri, target sang Kamara nga maaprubahan ang propose budget antes ang recess sang session sa Oktubre.
