-- ADVERTISEMENT --
Ginhangkat sang mga prosecutors sang International Criminal Court ang mga judges nga indi pagpahanugutan ang hingyo ni former President Rodrigo Duterte nga ipaiway nga wala sang deadline ang kaso batok kay Duterte.
Suno sa iya, indi supisyente ang alegasyon sang pagkadula sang memorya kag paghina sang cognitive sini agud hambalon nga indi siya sarang nga mag-atubang sa hearing.
Sa ginfile nga dokumento sang Setyembre 11, ginpahayag sang ICC Office of the Prosecutor nga indi supisyente ang mga reports sang defense team ni Duterte agud untaton ang proseso.
Plano naman sang prosecution nga magkuha sang kaugalingon nila nga medical expert agud matumod kun may ikasarang si Duterte nga makigbahin sa hearing.
