Ginpahayag ni former President Rodrigo Duterte nga preparado ini nga magtambong sa quad committee hearing sa Kamara matapos siya ang gin-imbita ang ginaalegar kaangtanan sini sa extrajudicial killings sa maduguon nga “war on drugs” sang iya administrasyon.
Una na nga ginpahayag sang House quad comm nga gina-imbestigahan man sini ang mga krimen nga naangot sa illegal Philippine Offshore Gaming Operators kag illegal nga druga.
Suno kay Duterte, siya ang magatambong kun siya ang imbitahan sang Kongreso kag nagalaom ini nga sila ang magabuya sang educated nga mga pamangkot.
Sang ginpamangkot ini natuhoy sa ginaalegar extrajudicial killings, ginpahayag ni Duterte nga ini ang matuod apang ginpanginwala sini ang mga operasyon sang Philippine Offshore Gaming Operation sa Davao.
Samtang, ginpahayag man sang anay Presidente nga luyag sini nga magpapili liwat bilang alkalde sang Davao City kag posible nga magatandem kaupod ang iya bata nga si incumbent mayor Sebastian Duterte.
Suno diri, indi na ini makapapili sa national campaign bangud sa iya edad apisar sang mga panawagan nga siya ang magpadalagan bilang Senador sa 2025 midterms elections.
